Жени во црвено
По повод 8 Март, Меѓународниот ден на жената, Црвен крст на град Скопје организираше настан “Жени во црвено”. Целта на истиот беше споделување на инспиративни приказни на жени кои со гордост ја носат црвената униформа, приказни поврзани со нивното волонтирање и професионалниот ангажман во различните сфери на дејствување на Црвениот крст.
Модератот на настанот беше проф. д-р Илина Јакимовска од Институтот за етнологија и антропологија при ПМФ, а приказните ги споделија градоначалничката на Град Скопје г-ѓа Данела Арсовска, секретарот на Црвен крст на град Скопје г-ѓа Сузана Т.Пауновска, актерката Снежана Конеска Руси, ПХВ инструкторката Арџина Нагавци, инструкторката за безбедност на вода Елеонора Ѓорѓиевска, Мирјам Омар ангажирана во поддршка на мигрантите и бегалците и психологот Ивана Маринчек.
Секоја од нив, на свој посебен и уникатен начин го доближи Црвениот крст и влијанието врз нивниот живот, промените, растењето, трасирањето на позитивниот пат и придобивките кои секоја од нив ги стекнала преку чинот на волонтирање.
Присутните на настанот ги поздрави г. Саит Саити, генерален секретар на Црвен крст на РСМ кој го истакна придонесот на сите жени во рамки на Движењето на Црвениот крст, како и во нашето Национално друштво.
Црвениот крст на град Скопје продолжува да ја промовира и истакнува еднаквост на сите членови во нашата црвенокрсташка заедница.
Благодарност до х. Лимак-Скопје, за поддршката во реализација на настанот.
Благодарност за Ана Петановска и за нејзиниот впечатлив настап.
