Итно копче
Итно копче е нова и иновативна услуга во Македонија и регионот, која веќе успешно се практикува во повеќе европски земји со одлични резултати.
Станува збор за услуга која е достапна во домот 24/7. Корисниците можат да побараат помош со едноставно притискање на само едно копче на аларм-уредот.
По притискањето, оператор од контакт центарот веднаш го контактира корисникот за да ги добие информациите за здравствените или другите тегоби со кои се соочува. Обученото лице дава соодветни насоки, а по потреба во домот на корисникот се испраќа тим за прва помош или се обезбедува транспорт до соодветна здравствена установа.
Со оваа услуга моментално се опфатени над 120 корисници (лица над 65-годишна возраст од Скопје кои живеат сами или со брачен другар со нарушена здравствена состојба).
Што нуди услугата Итно копче?
- 24/7 поддршка во секоја итна ситуација
- Обучен и пријателски тим кој се грижи за вашата добросостојба
- Прва помош и прва психолошка помош во домот
- Бесплатно одржување и дневна техничка поддршка за аларм-уредите
- Транспорт до соодветна здравствена установа со специјално опремени возила
Тимот на „Итно копче” е составен од обучени професионалци посветени на грижата за своите корисници.
Цени и услови
- Месечна претплата: 1.190 денари
- Бесплатна услуга: Благодарение на соработката со одредени општини, услугата е целосно бесплатна за одреден број корисници од нивното подрачје.
📞 Пријавување и контакт
Сите заинтересирани лица можат да се пријават или да добијат дополнителни информации преку Контакт центарот:
- Телефон: 15 330, 071/232-263
- Е-пошта: skopje.itnokopce@redcross.org.mk