Пребарувај по датум:

Твининг Програми

Соработката со Телемарк Црвен крст-Норвешка, се темели на меморандумот за соработка кој беше потпишан во 2016 година со важност од 3 години. Заради доброто искуство и позитивните резултати од двете страни, соработката е продложена за уште две години. Планирани се неколку посети од нивна и наша страна во текот на кои волонтерите ќе имаат можност да разменат искуства и знаења поврзани со активности кои се реализираат во двете организации на Црвен крст.

Продолжува соработката и со Црвениот крст Нинберг во Германија како и со повеќе Национални друштва друштва на Црвен крст во регионот и пошироко, во насока на размена на искуства, позитивни практики и унапредување на досегашните програмски и проектни активности на Црвен крст на град Скопје.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.