ПОМОШ И НЕГА ВО ДОМОТ – НЕГА ЦЕНТАР

Услугата „Помош и нега во домот“ е социјална услуга наменета за стари лица на возраст од 65 години и повеќе, со намален функционален капацитет на кои им е потребна помош и поддршка во сопствениот дом.

Целта на услугата е да им овозможи на корисниците да продолжат да живеат во својата домашна средина, да ја зачуваат или унапредат својата самостојност и да го подобрат квалитетот на животот, соодветно на нивните индивидуални потреби.

Црвен крст на град Скопје е лиценциран давател на социјалната услуга „Помош и нега во домот“ на територијата на општините Карпош, Кисела Вода и Центар

Општина Карпош – Контакт телефон: 075 352 246
Општина Кисела Вода – Контакт телефон: 072 320 246
Општина Центар – Контакт телефон: 070 352 246

За дополнителни информации во врска со постапката за аплицирање, потребната документација и условите за користење на услугата, граѓаните можат да се обратат на телефонските броеви наменети за општината во која живее старото лице.

Постапката за остварување на услугата започнува со поднесување барање до Меѓуопштинскиот центар за социјална работа на Град Скопје.

По поднесувањето на потребната документација, надлежните стручни лица ја разгледуваат потребата од поддршка и ги утврдуваат условите за користење на услугата, и издаваат решение за истата.

Помошта и негата во домот ја обезбедуваат сертифицирани негуватели од Црвен крст на град Скопје, кои поседуваат соодветни знаења и вештини за давање поддршка на лицата на кои им е потребна помош во секојдневното функционирање.

Помошта и негата во домот опфаќа две категории активности: основни и инструментални активности од секојдневниот живот.

1. Основни активности од секојдневниот живот

Овие активности се однесуваат на непосредната лична грижа и поддршка на корисникот, а вклучуваат: помош при одржување лична хигиена (миење лице, раце, заби, бањање, чешлање и слично), помош при облекување и соблекување, помош при движење во домот и околу домот, помош при хранење, помош при користење тоалет и задоволување на физиолошките потреби, помош при менување пелени и подлоги.

2. Инструментални активности од секојдневниот живот

Овие активности имаат за цел да му помогнат на корисникот во одржувањето на домаќинството и самостојното функционирање во секојдневието, а опфаќаат: помош при чистење и одржување на хигиената во домот, помош при перење и одржување на облеката, помош при подготовка на оброци и готвење, помош при набавка на прехранбени производи и други неопходни продукти, посредување при организирање поправки во домот, поддршка при надворешна мобилност и извршување секојдневни обврски, потсетување и помош при земање пропишана медицинска терапија, помош при користење телефон, помош при управување со личниот буџет.

Локација Карпош:
Ул. Љубљанска – крак ТЦ Сити Мол, Карпош 4  (Спортска сала Партизан)
Локален координатор, Наташа Андова – skopje.negacentar@redcross.org.mk

Локација Кисела Вода:
Ул. Петар Делјан бр.17, во општината Кисела Вода (барака 6)
Локален координатор, Христина Димишкова – skopje.negacentar@redcross.org.mk

Локација Центар:
Ул. Славе Георгиевски Шнајдер бр. 5,  Скопје 1000
Локален координатор, Мартин Додевски – skopje.negacentar@redcross.org.mk

Работно време : понеделник-петок 08:00 до 16:00 часот,