Здравствена грижа за бездомни лица

Во Дневниот центар за бездомни лица – Момин Поток, во соработка со Институтот за белодробни болести и туберкулоза, беше реализирано флуорографско снимање на корисниците, со цел навремено откривање и превенција на белодробни заболувања.

Во рамки на активноста беа прегледани над 50 лица, а 28 лица – 20 мажи и 8 жени беа снимени.

За лицата кои се соочуваат со бездомништво и други животни предизвици, пристапот до здравствена заштита и редовните превентивни прегледи често се отежнати, а обезбедувањето достапни и навремени превентивни здравствени услуги е од особено значење за оваа ранлива категорија.

Со ваквите активности придонесуваме здравствената заштита да биде подостапна за оние на кои им е најпотребна, а воедно ја зајакнуваме грижата, поддршката и достоинството на бездомните лица.

Активноста се реализираше во рамки на проектот SHAPE поддржан од Австриското Федерално Министерство за труд, социјални работи, здравство, нега и заштита на потрошувачите и Австрискиот Црвен крст