Пребарувај по датум:
2013-06-19

ЗА ПОВЕЌЕ ДЕТСКИ НАСМЕВКИ

Одбележан денот на згрижувачки семејства 1 Јуни

Црвенот крст на град Скопје, во соработка со Министерството за труд и социјална политика, ЈУ Меѓуопштински центар за социјални работи – Скопје, поддржано од Комерцијална банка а.д. и општина Центар, на 01 Јуни го одбележија Денот на згрижувачки семејства.

За одбележувањето на овој ден, на просторот пред спомен куќата на Мајка Тереза на ул. Македонија беа поставени тенди, масички и столчиња на кои децата без родителска грижа со поддршка на волонтерите на Црвениот крст реализираа креативни работилници, се дружеа и забавуваа.

На хепенингот настапија децата од Супер ѕвезда, деца од неколку скопски училишта, пејачи од нашата естрада, кловн, а водител на настанот беше Марјана Станојковска.

За сите дечиња имаше многу подароци, изненадувања и одлична забава. Настанот го посети и заменик Министерот за труд и социјална политика како и претседателот на совет на општина Центар.

Ова традиционално одбележување е дел на програмските активности на Црвениот крст, во рамките на кои посебно внимание посветуваме на деца и младинци со посебни потреби и деца без родителска грижа сместени во згрижувачки семејства.

Активностите со овие целни групи се со цел поддршка, социјализација и ублажување на нивните потреби. 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.