Пребарувај по датум:
2018-06-07

„За повеќе детски насмевки“

„За повеќе детски насмевки“

Црвениот крст на град Скопје, во соработка со Министерството за труд и социјална политика, ЈУ Меѓуопштински центар за социјални работи – Скопје, поддржано од Комерцијална банка а.д. Скопје, имплементира годишна програма за социјализација на деца и млади со посебни потреби и децата сместени во згрижувачки семејства. Цел на истата е подобрени услови за живот на децата без родителска грижа сместени во згрижувачки семејства, како и социјализација и дружење. Во рамките на оваа програма, во текот на целата година, предвидени се повеќе активности од едукативен и забавен карактер во насока на дружење и социјализација на овие групи како и нивна полесна интеграција во општеството.

Како дел од овие активности е и одбележувањето на 1 јуни Ден на згрижувачи кој традиционално го одбележивме со голем хепенинг и дружење со децата и волонтерите на Црвен крст на град Скопје. Оваа година настанот го одбележивме во Зоолошка градина – Скопје. Ангажирани беа аниматори кои ги цртаа лицата на децата и изработуваа балони во различни форми , а посебно уживање за нив беше разгледување на зоолошката со возче. Со нив се дружеше и пејачката Каролина Гочева како и ракометарката Индира Кастратовиќ, а не посетија и корисниците од дневниот центар за церебрална парализа Капиштец. Посебен акцент се стави на хуманоста на самите згрижувачи како позитивни примери во нашето општество.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.