Волшебно Велигденско дрво

Во рамките на проектот за поддршка и социјализација на деца и младинци со посебни потреби поддржан од а.д. Комерцијална банка, Црвен крст на град Скопје 7 година по ред реализира различни актвности за лицата од дневниот центар за церебрална парализа Капиштец.

Оваа година, во пресрет на празникот Велигден, во соработка со Ramstore Mall, Комерцијална банка и ЈУ Центар за социјална работа се организираше Волшебно велигденско дрво за 43 деца и младинци. Тие ги запишаа своите желби , а хуманите граѓани и општествено одговорни компании се токму оние кои ги исполнија истите.

Членовите од мото клубот Потфат МЦ самоиницијативно се вклучија во активноста и купија подароци за 17 лица. Децата од III-2одделение од ОУ “11 Октомври” организираа креативна работилница и со собраните средства сите заедно купија подарок за едно дете. Рамстор Малл обзбеди неколку подароци и ја организираа изведбата на претставата Турли тава наменета токму за децата.Секако благодарност и до сите поединци кои се вклучија во оваа акција.