Пребарувај по датум:
2022-12-30

Волшебна елка на желби

“Волшебната елка на желби”и оваа година ги оствари желбите на децата сместени во згрижувачки семејства. Елката е една од активностите која од година во година станува претпознатливо обележје за нашата организација, а граѓаните ја препознаваат како интересно случување во пресрет на празниците.

Активноста е организирана и реализирана од Црвен крст на град Скопје во соработка со Ramstore Mall и JУ Меѓуопштински центар за социјална работа, а во рамките на проект поддржан од Комерцијална банка.

Желбите на децата беа запишани на лампиони закачени на елката која беше поставена во трговскиот Ramstore Mall. Голема благодарност до хуманите граѓани, вработените од Generali Investments AD Skopje и вработените од British American Tobacco, учениците од ||2 и |||2 при ОУ “11 Октомври” како и поддржувачи на активностите на Црвен крст на град Скопје кои истите со љубов и внимание ги остварија.

Дел од нив беа и присутни и самите ги подарија подароците и на децата им посакаа среќни и радосни празници.

Сите заедно дадовме допринес и веруваме дека им ги направиме волшебни новогодишните празници на децата сместени во згрижувачки семејства, но покрај тоа целта ни е и да ја поддигнеме свеста на граѓаните за формата згрижување како позитивен пример во нашето општество.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.