Пребарувај по датум:
2012-01-18

УШТЕ ЕДНА УСПЕШНА АКЦИЈА НА СПАСИТЕЛИТЕ НА ПЛАНИНА НА ЦРВЕН КРСТ НА ГРАД СКОПЈЕ

На 18.01.2012 година околу 16 часот од полициските станици Карпош и Кисела вода се јавиле на спасителот на планина Оливер Петрески дека на Водно се изгубени две малолетни деца.

За неполни 15 минути наши 4 спасители на планина кои изузетно добро го познаваат теренот, со два џипа веднаш тргнаа во потрага на изгубените деца.
Спасителот Оливер Петрески кој добро го познава теренот, формирал два тима од преставници на единицата на МВР ЕСЗ, едниот тим го предводел тој а другиот спасителот на планина Саша Јакимовски.
Двата тима координирани од спасителот Оливер се упатија по две планинарски патеки кои на крај се спојуваат во една. Потрагата траеше околу 40 минути и за среќа на изгубените деца беа пронајдени, смирени и вратени до паркингот на средно Водно, од каде беа превземени со возило на брза помош.
Во акцијата за спасување учествуваа наши 4 спасители на планина и тоа: Оливер Петрески, Саша Јакимовски, Стефан Гичев и Слободан Митровиќ. И овој пат беше успешна соработката со полицијата.
Нашите спасители на планина, овој месец имаа интервенција на Караџица, патеката Милиниумски крст Матка и на најстрмната патека на Водно каде беше заглавено цело семејство. Покрај оваа на Водно имаа и неколку интервенции на повредени граѓани од кој две тешки скршеници.
Браво за нашите спасители на планина кои секогаш и во секое време се спремни да интервенираат, да пронајдат изгубени, да згрижат повредени и потешко повредените по укажаната прва помош да ги транспортираат до Клиничкиот Центар. Голема благодарност до сите нив.
Црвен крст на град Скопје

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.