Пребарувај по датум:
2017-11-25

Твининг програма

Твининг програма

Во рамки на воспоставената твининг програма помеѓу Црвен крст на град Скопје и Црвен крст Телемарк- Норвешка, во периодот од 17-19 Ноември, четиричлена делегација од Телемарк оствари официјална посета на нашата организација. Истата беше дел од планот за активности во 2017 г. и беше искористена за работни средби помеѓу нив и претставници од стручната служба и волонтерите на ЦК на град Скопје. На средбите се направи евалуација на досега реализираните активности, прецизиран беше планот за акција за 2018 година, а дефинирани беа и очекуваните резултати од секоја активност. Делегацијата од ЦК Телемарк, беше дел од програмското собрание на Црвен крст Скопје, каде имаа официјална презентација, а во знак на досегашната плодна и успешна соработка добија плакета.

Твининг програмата за нас е позитивен пример за соработка и поддршка во работењето, унапредување на активностите преку позитивни примери и практики, мотивација и зајакнување на капацитетите на двете организации на Црвен крст.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.