Твининг програма со Телемарк Црвен крст
Од 21 до 25 јануари во посета ни беа нашите пријатели од Црвен крст Теламарк, Норвешка. Делегацијата беше составена од 8 члена од кои 7 волонтери и еден стручен соработник. Најголем дел од волонтерите се од одделот млади заради подготовките за престојниот камп за млади кој треба да биде организиран во Струга во летниот период. Посетата беше искористена за промовирање на активностите и формите преку кои дејствуваме како што се Центарот за Прва помош, Копче, програмата Итно копче, Дневниот центар за стари лица, Црвен крст Карпош-програмата „Хуманко“, Дневниот центар „Пролет“, Нега центар и многу други. Имаа можност да ја посетат и крводарителската акција која секоја година се организира во чест на Тоше Проески. На свеченото собрание на Црвен крст на град Скопје од нивна страна беше промовирана Програмата за збратимување, која веќе неколку години ја работиме заднички.
2023 година воедно е и последна година за ваквиот начин на соработка, но секако остануваме отворени за нови можности, нови искуства и професионални достигнувања.
