Трпезарија – место за достоинствен оброк

Пунктот за бездомници во Момин Поток е отворен во 2008 година и од тогаш континуирано се работи на подобрување на капацитетите, што подразбираше отварање на стационарниот дел-прифатилиштето, како и отварање на новиот објект-женско одделение. Денес, Црвен крст на град Скопје со поддршка на Град Скопје и повеќе донатори ја отвори трпезаријата во рамките на Пунктот за бездомници. Предвидено е оброците за бездомните лица да се дистрибуираат во трпезарија, но истата може да послужи и како место за нивната социјализација, особено во жешките и ладните дни.