Пребарувај по датум:
2019-02-25

Тркалезна маса за имплементација на проектот за поддршка на лица со оштетен вид

Тркалезна маса за имплементација на проектот за поддршка на лица со оштетен вид

Во организација на Министерството за образование и наука, Министерството за труд и социјална политика, Министерството за здравство, УСАИД, Интернационалната фондација Лајонс Клуб и Универзитетот на Југоисточна Европа, на ден 25.02.2019, во просториите на Клубот на органите на државната управа, се одржа тркалезна маса посветена на иницијативите на институциите на системот за превземање и продолжување на имплементација на проектот за поддршка на лицата со оштетен вид во Република Северна Македонија. На состанокот покрај обраќањето на министрите и претставниците на овие институции, посебно обраќање кон присутните изрази Амбасадорот на САД во Република Северна Македонија, Г-дин Џес Бејли. Во текот на состанокот, претставник од Универзитетот на Југоисточна Европа во Скопје, проф. Д-р. Шпетим Љатифи одржа презентација на постигнатите резултати од имплементацијата на проектот за поддршка на лицата со оштетен вид во Република Северна Македонија, во изминатите 5 години. Покрај останатите директни учесници во целиот процес, активно учество зедоа претставници на Црвен крст на град Скопје, како имплементирачки партнер на Универзитетот на Југоисточна Европа, во функионирањето и работата на Центарот за поддршка на лица со оштетен вид. Корисник на Центарот за поддршка исто така имаше свое излагање во однос презентирање на своето лично искуство како корисник на Центарот за поддршка и споделување на својата животна приказна. Состанокот се заокружи со панел дискусија – изнесување на позитивни искуства на директните корисници на проектот, предизвици со кои се соочуваат имплементаторите и дефинирање на идни активности.

Центарот за поддршка на лица со оштетен вид се имплементира во рамките на „Проектот на УСАИД и ЛЦИФ за деца со пречки во видот“.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.