Пребарувај по датум:
2018-01-26

Традиционална крводарителска акција во чест на Тоше Проески

Традиционална крводарителска акција во чест на Тоше Проески

Традиционално, на 25.01.2018 година, во Дом на АРМ, по четиринаесети пат беше

организирана голема крводарителска акција посветена на големиот хуманист Тоше

Проески во знак на одбележување на неговиот роденден. На акцијата крв даруваа 402

дарители, а најголем број од нив беа млади и првократни дарители.

Организатори на крводарителската акција беа Црвениот крст на град Скопје,

Општинска организација на Црвен крст Гази Баба, Институтот за Трансфузиона

медицина и Тоше фанови РМ. Поддршка на акцијата дадоа и членовите на Клуб 25-

клуб на млади крводарители и мотиватори.

Ликот и хуманото дело на Тоше Проески се позитивен пример и поттик за многу млади

личности кои токму на овој датум даруваа крв, но и мотивација за повеќекратните

дарители да продолжат со хуманиот чин. Традицијата за одржување на

крводарителски акции во спомен на Тоше Проески започна во 2010 година и од тогаш,

традиционално, истите се реализираат во негова чест.

 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.