Традиционална крводарителска акција по повод 26 Јули “ЗА СКОПЈЕ СО ЉУБОВ, ДАРУВАЈ КРВ- БИДИ ХУМАН ! ”

Црвен крст на град Скопје, со поддршка на Општинска организација на Црвен крст Кисела Вода и во соработка со Институтот за Трансфузиона медицина традиционално, на 26 Јули организираше крводарителска акција во знак на сеќавање на катастрофалниот земјотрес во Скопје, но и во знак на покажаната солидарноста и хуманоста на нашите сограѓани.

Крводарителската акција, која е веќе препознатлива во нашиот град, се одвиваше во Дневниот центар за дарување крв на Црвен крст на град Скопје и на истата крв даруваа 86 лица.

И со оваа акција, придонесуваме кон нашата долгорочна цел- непречено снабдување со крв и крвни продукти, како и придонес во промоција и унапредување на крводарителството на територија на град Скопје.