Светски ден на лица со хендикеп

Во рамките на активностите поддржани од Комерцијална банка и оваа година заедно со лицата кои го посетуваат центарот за церебрална парализа Капиштец го прославивме 03 декември – Светскиот ден на лица со хендикеп. Настанот се организираше во новиот едукативен центар во Зоолошката градина –Скопје, а за одличната забава се погрижија пејачката Дани Димитровска како и учениците од средното музичко училиште Илија Николовски – Луј. Убавата музика и многуте насмевки придонесоа сите присутни меѓу кои и родителите на лицата и деца со аутизам да имаат убав и весел ден.
На 03 декември исто така е и роденден на центарот за лица со церебрална парализа Капиштец и симболично со голема торта прославивме 11 години од неговото постоење,а го прославивме и роденденот на еден од корисниците на центарот.