Skill share 2022
Од 26-28 октомври во Истанбул, Турција се одржа состанок- Skill Share 2022 во организација на Меѓународната федерација на Црвен крст и Црвена Полумесечина-делегација Будимпешта и Црвена полумесечина од Турција. Состанокот се одржува веќе седма година и на истиот педесетина предавачи се претставија во областите на Мобилизирање на фондови и Комуникација.
На настанот учествуваа повеќе од 150 учесници и претставници од 45 Национални друштва. Ваквиот тип на состаноци претставува одлична можност за размена на искуства, споделување и прифаќање на алатки кои се користат за промоција на работата на Црвениот крст, добрите практики кои може да се искористат согласно потребата.
Александра Ристовски од Црвен крст на град Скопје беше нашиот претставник и учесник на состанокот, која по враќањето од истиот донесе со себе многу позитивни впечатоци и искуства кои ќе се имплементираат во нашата работа.
