СЕ ОТВОРИ ДНЕВЕНИОТ ЦЕНТАР ЗА СТАРИ ЛИЦА

Во недела на 10ти јуни, свечено беа отворени двете простории на ДНЕВНИОТ ЦЕНТАР ЗА СТАР ЛИЦА во ДХО: Даре Џамбаз и ООЦК Чаир, кој ќе функционира во рамките на проектот „Дневен центар за стари лица и центар за давање помош во домашни услови“.

Како резултат на трипартитиниот договор помеѓу Градот Скопје, Министерството за Труд и Социјална Политика и Црвениот крст на град Скопје овој дневен центар за стари лица ќе биде отворен за старите, пред се активни, лица кои ќе имаат можност да бидат корисници на услугите кои ги нуди центарот, како што се: едукации на корисни и интресни теми, одбележување на календарски активности на ЦК, организирање на друштвени игри, одбележување на празници и родендени, организирање на заеднички прошетки, креативни работилници, дискусии на разни теми, музички актинвости и сл.
Во дневниот центар со стари лица ќе работат социјален работник и психолог и со поддршката на волонтерите ќе се направи чекор напред во социјализацијата, успорувањето на менталното стареење и корисноста на старите лица.
Просториите на дневниот центар ќе бидат отворени за посета секој ден од 08:30 до 15:30 часот и во истиот е предвидено околу 30 стари лица да циркулираат на дневна основа.