Реализирани психо-едукативни работилници за психо-социјална поддршка и прва психолошка помош
Црвениот крст на град Скопје во текот на месец Март спроведе 14 психо-едукативни работилници за прва психолошка помош и психо-социјална поддршка со стручната служба и волонтерите од 13 сектори и програми на ООЦК на територија на Град Скопје. Психо-едукативни работилници за ПСП и ППП се реализираа во следните сектори на ЦКГС: прва помош, тим за одговор при катастрофи, дневен центар за стари лица, помагатели на ранливи категории на граѓани, персонални асистенти на лица со попреченост и негуватели на стари и немоќни лица и лица со попреченост, стручна служба на сервисот Итно Копче и Центар за лица со интелектуална попреченост ,,Пролет’’. Обука за ПСП и ППП добија и учениците од основното училиште ,,Тихомир Милошевски”, а опфатени беа и клубови на млади при ООЦК Чаир, ООЦК Центар, ООЦК Кисела Вода, ООЦК Карпош и ООЦК Гази Баба. Работилниците беа спроведени во согласност со прирачникот и насоките за ПСП и ППП на Федерацијата на Црвениот крст и Црвената полумесечина, а фасилитатори на овие работилници беа 33 вработени и волонтери кои претходно поминаа тренинг за прва психолошка помош и психо-социјална поддршка во кризни ситуации во рамки на проектот Конекс Балкан, поддржан од Австриски Црвен крст и Австриска Агенција за развој.
Со оваа активност на територија на град Скопје беа опфатени вкупно 257 учесници (вработени и волонтери).
Благодарност до вклучените колеги и волонтери во активностите за унапредување на менталното здравје и споделување на знаењата од областа на првата психолошка помош, психо-социјална поддршка, резилиентност и прегорување кај вработени и волонтери, како и стрес и справување. Активностите ги координираше Центарот за ментално здравје и психо-социјална поддршка при Црвениот крст.
