Пребарувај по датум:
2018-05-10

Реализирана работилница за застапување и лобирање

Реализирана работилница за застапување и лобирање

На 03.05.2018 со почеток во 14:00 часот во Центарот за поддршка на лица со оштетен вид реализирана е двочасовна работилница на тема: „Застапување и лобирање“, од страна на стручен соработник при Црвен крст на град Скопје. 
23 лица со оштетен вид, корисници и претставници од Градското Здружение на слепи лица имаа можност да присуствуваат на работилницата. На работилницата се презентираше и дискутираше што претставува лобирањето, какви начини и форми на лобирање постојат во нашата држава и во светот, како треба да се лобира за да ги подобриме нашите права и потреби, што тие како активни чинители на општеството можат да сменат и како да придонесат за подобри промени во општеството.
Оваа работилница е четвртата од петте модули предвидени да се реализираат во наредните неколку месеци за личен раст и развој на лицата со оштетен вид и за лобирање за остварување на правата на лицата со оштетен вид.
Центарот за поддршка на лица со оштетен вид при Црвен крст на град Скопје се реализира во рамките на проектот на УСАИД и ЛЦИФ за деца со пречки во видот.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.