Пребарувај по датум:
2017-11-25

Работилница за CV и јавно говорење

Работилница за CV и јавно говорење

Во рамките на Центарот за поддршка на лица со оштетен вид, при Црвен крст на град Скопје, се реализираше работилница за јавно говорење и изработка на професионално CV. Корисниците имаа можност да се запознаат што е тоа CV, зошто е потребно и како истото јавно да го презентираат.

Во текот на работилницата се потенцираа пет основни принципи за изработка на добро CV како што се лични податоци, работно искуство, едукација и тренинг, лични вештини и препораки. Исто така, корисниците се запознаа со изработка на мотивационо и пропратно писмо. Покрај ова корисниците имаа можност да се запознаат и со јавно презентирање на своите вештини односно јавно говорење. Центарот и понатаму ќе продолжи со разни едукативни работилници кои ќе ги потикнат и мотивираат корисниците да ги развијат своите вештини и потенцијали.

Центарот за поддршка на лица со оштетен вид се реализира во рамките на „Проектот на УСАИД и ЛЦИФ за деца со пречки во видот“.

 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.