Пункт за облека
Примањето на донации во облека и дистрибуцијата на истата до оние на кој им е најпотребна е традиционална активност на Црвениот крст, која на територија на градот Скопје со голем интензитет започна да се унапредува и развива во 2013 година со поставувањето на 7 контејнери за донирање на облека.
Во изминатите месеци откога се поставени контејнерите собрани се повеќе од 20 тони облека кои во континуитет се селектираат од страна на волонтери како и жени од социјално загрозени семејства и потоа се дистрибуираат до крајните корисници (институции, семејства и поединци). Со оглед на големата количина на донирана облека се јави потреба од посистематизирана дистрибуција со која ќе можат да имаат бенефит што поголем број на граѓани. Од таа причина отворен е Пункт за облека кој фукционира веќе три месеци на локација Порта Буњаковец, до Љубов кафе. Целата активност е поддржана од страна на Алфа банка. За корисниците таа е отворена два пати во текот на неделата, вторник и четврток од 10.00 до 14.00 часот. Облека можат да подигнаат само корисници, лица кои имаат добиено ваучер за облека кој го добиле од Црвен крст на град Скопје или пак некоја од ООЦК кои фукционираат на територија на градот Скопје. Системот е направен заради полесно функционира и превенирање на дуплирања за истите корисници
