Пребарувај по датум:
2019-11-28

Програмскo собрание на Црвен крст на град Скопје

Програмскo собрание на Црвен крст на град Скопје

Во Меморијалниот центар на холокаустот на Евреите од Македонија Fond Na Holokaustot, се одржа 5-та седница на Собранието на Црвен крст на град Скопје. На истата се разледуваше и усвои програмата и буџетот за работа на Организацијата за 2020 година. Седницата беше збогатена со настап на учениците од ДМБУЦ Илија Н. Луј, а свое обраќање- мотивациски говори имаа дел од волонтерите вклучени во различни програмски активности на Црвен крст на град Скопје. Своја презентација имаа и госите од ЦК Телемарк- Норвешки Црвен крст Telemark Røde Kors, наши партнери во Твининг програмата.
Во свеченот дел на Собранието, доделени беа признанија за поединци и нституции кои со својата поддршка придонесоа во остварување на целите и мисијата на Црвен крст на град Скопје.
Доделени беа награди и признанија за најуспешните поединци и организации на полето промоција и унапредување на крводарителството во град Скопје за минатата 2018 година, а наградени беа:
Асани Ајрис- крводарител со најмногу евидентирани дарувања, Кристијан Грамов– млади крводарител со постигнати најдобри резултати (број на дарувања), Јованка Муратовска- крводарителка со најголем број евидентирања крводарувања, Благоја Тренковски- најуспешен мотиватор на територија на град Скопје, Интернационален Балкански Универзитет- образовна институција со најдобри резултати и Македонски телеком-работна организација со најдобри резултати на полето крводарителство. Признание за реализација на годишниот план за крводарителство доби и Црвен Крст на РСМ ОО Кисела Вода.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.