Професионалност и високи етички норми на др. Јован Крстевски во служба на хуманоста

Поради итноста и неодложноста на случај детектиран со здравствената состојба на бездомник, тимот кој го вод пунктот за бездомници во текот на денешниот ден интервенираше во овој исклучително тежок случај.

Пациентот е затечен во многу лоши услови за живот (сместен во лимена гаража -импровизиран дом), и во многу тешка здравствена состојба. Поради тешката состојба со веќе видлива и прогресивна гангрена, лекарот од пунктот веднаш го сместил пациентот во возилото на Црвен крст и истиот е однесен во самиот пункт. По укажувањето на помош, бездомникот е избањат и веднаш префрлен на клинички центар од каде е одбиено да го згрижат. Др. Јован лекар од пунктот алрмиран од сериозноста на компликациите го префрла пациентот во Градската општа болница каде бездомникот добива преврска.

Благодарение на професионалната и високо етичка норма на др. Јован, лицето ги доби основните лекарски потреби, а за неговата понатамошна состојба алармирани е Меѓуопштинскиот центар за социјална работа.