Проект ,,Водач во болница”
Водени од идентификуваната потреба за дополнителна помош и поддршка во услови кога се неопходни болнички усуги, како и дополнителна помош за блиски на пациентите, Црвен крст на Република Северна Македонија – Црвен крст на град Скопје во соработка со Министерство за здравство на РСМ иницираа заеднички проект ,, Водaч во болница “ . Истиот започна со реализација во октомври 2019 г. со привремена пауза заради состојбата со Ковид – 19, а од 15.09.2020 г. повторно започна да функционира на истите локации и тоа УК за Радиологија, УК за Гинекологија и акушерство, УК за Хируршки болести/Ургентно, УК за Кардиологија, УК за детски болести – Скопје и УК за Интерни болести. На овие клиники, 9 волонтери од Црвен крст на град Скопје се достапни за информирање на граѓаните и поддршка за нивно полесно снаоѓање во комплексот во период од 8:30 – 12:00 часот.
Волонтерите кои се препознаени по униформата и амблемот на Црвен крст, изминатиот период помогнаa на 20 000 граѓани , а нивните позитивните реакции им се дополнителен поттик за понатаму успешно и посветено да ја извршуваат својата работа.
Реализацијата на проектот е поддржана од Алкалоид ад Скопје.
