Пребарувај по датум:
2020-11-04

Проект ,,Водач во болница“

Водени од идејата за потребата од дополнителна помош и поддршка во услови кога се неопходни болнички услуги како и дополнителна помош за блиски на пациентите, Црвен крст на Република Северна Македонија – Црвен крст на град Скопје во соработка со Министерство за здравство на Република Северна Македонија иницираа заеднички проект ,, Водич во болница “.

Истиот започна со реализација во октомври 2019 г. со привремена пауза заради состојбата со Ковид – 19 за да од 15.09.2020 г. повторно започне да функционира на истите локации и тоа УК за Гинекологија и акушерство, УК за хируршки болести/Ургентно, УК за Кардиологија, УК за детски болести – Скопје и УК за интерни болести. Вкупно 9 волонтери на Црвен крст на град Скопје во период од 8:30 – 12:00 часот се достапни за информирање на граѓаните и поддршка за нивно полесно снаоѓање во болничкиот комплекс.

Проект ,,Водач во болница“

Волонтерите кои се препознаени по униформата и амблемот на Црвен крст изминатите два месеци помогнаа на вкупно 4.740 граѓани.

Позитивните реакции на граѓаните им се дополнителен поттик за понатамошно успешно и посветено извршување на нивната а со тоа и нашата работа.

Реализацијата на проектот е поддржана од Алкалоид ад Скопје.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.