Пребарувај по датум:
2019-07-09

Проект „Оброк за сите“

Црвениот крст на РМ, преку Црвен крст на град Скопје е партнер на здружението „Ајде Македонија“ во имплементација на проектот „Оброк за сите“, финансиран од Фондот за иновации и технолошки развој.

Во изминатиот период, беше остварена тесна соработка и координација со претставници на здружението „Ајде Македонија“ и пилотиран беше моделот за дистрибуција на прехранбени пакети до социјално загрозените граѓани во Скопје, Куманово и Прилеп (10 семејства од Скопје и по 5 семејства од Прилеп и Куманово). Исто така волонтерите на Црвен крст, двапати во неделата дистрибуираат топол оброк за 10 стари лица во нивните домови, како и оброци за 50 бездомни лица во Пунктот за бездомници во Момин Поток. Храната е свежо подготвена во Здружението за деца со посебни потреби Дама- ел.

Во наредниот период ќе се реализира студиска посета во Р.Србија, со цел да се споделат надворешни искуства од Црвен крст на Србија, кои имаат повеќегодишно искуство со спроведување на ваква програма за обезбедување на топол оброк преку Народна кујна за ранливи лица со социјален ризик.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.