Продолжува соработката со општина Ѓорче Петров за бесплатен превоз за стари и немоќни лица

Во соработка со општина Ѓорче Петров, сите болни, немоќни, лица со попреченост или социјално загрозени лица може се уште бесплатно да бидат транспортирани до здравствените установи, доколку имаат претходно закажан термин за преглед, а не се во можност сами да си обезбедат превоз.

Со санитетските возила на Црвениот крст секојдневно се транспортираат лица од Ѓорче Петров кои имаат потреба од помош.

Граѓаните од оваа општина, кои ги исполнуваат критериумите и имаат потреба од превоз може да се јават на телефонски број 02/15330 во контакт центарот на Црвен крст секој ден во текот на 24 часа. Термин за превоз се закажува минимум 24 часа однапред, по принципот прв дојден-прв услужен. Транспортот се врши во работни денови од 8 до 16 часот.