Пребарувај по датум:
2017-11-07

„Преку култура до соживот“

„Преку култура до соживот“

Центарот за поддршка на лица со оштетен вид на Црвен крст на град Скопје во периодот од 30.09 до 21.10.2017 година активно се вклучи во проектот „Преку култура до соживот“ спроведен од Општинската организација на Црвен крст Центар. Проектот беше поддржан од Балканската платформа за младинско учество и дијалог и НВО АЛДА и имаше за цел да ги запознае малку повеќе младите за културата и различностите кои ја карактеризираат општина Центар. Во проектот активно се вклучија 3 корисници од Центарот за поддршка за лица со оштетен вид на Црвен крст на град Скопје, учество земаа и младите од Клуб на млади на Црвен крст на РМ – Општинска организација Центар и Здружението за лица со телесен хендикеп „Мобилност“ – Скопје. Сите тие заедно учествуваа на работилница за комуникациски вештини, тимска работа и меѓусебно разбирање, работилница за фотографија и креативна уметничка работилница.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.