Пребарувај по датум:
2023-01-05

Празнична донација на ОКТА за социјално ранливи граѓани

Празнична донација на ОКТА за социјално ранливи граѓани

Во пресрет на божиќните празници, ОКТА обезбеди помош за социјално ранливите категории сограѓани – стари и немоќни лица кои се без примања или пак со ниски пензии. Лицата беа посетени во нивните домови од страна на медицинските сестри и волонтери од проектот Дневен центар за стари лица и центар за давање помош во домашни услови. Дистрибуираната хуманитарната помош во вид на пакети со прехранбени производи, во голема мерка го олеснува нивното секојдневие посебно на прагот на зимскиот период.

Вработените и менаџментот на ОКТА години наназад организираат крводарителски акции, се вклучуваатво  хуманитарни иницијативи на Црвениот крст и се пример за општествено одговорна компанија чија поддршка ја насочуваме кон ранливото население, кон оние кои се на маргините на општеството и на кои поддршка им е повеќе од неопходна.

Празнична донација на ОКТА за социјално ранливи граѓани

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.