2019-01-21

Помош за Танушевци

Тимот за спасување на планина на Црвен крст на град Скопје, во рамките на своите програмски активности, денес (16 јануари) им излезе во пресрет на граѓаните од скопското село Танушевци со достава на хуманитарна помош.
Поради непристапниот терен, помошта беше диструбуирана со помош на хеликоптерската единица на АРМ.
Од страна на Црвен крст на град Скопје беа доставени пакети со над 400 кг храна, хигиена, ќебиња и обувки.
И во наредниот период продолжуваме да дејствуваме во зависност од потребите на населението.

Принципи

Хуманост

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Единство

Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.

Универзалност

Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.

Доброволност

Тоа е движење за давање на доброволна помош кое не е инспирирано од материјални побуди.

Неутралност

Непристраност

Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.

Независност

Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.