Подготвителна работилница во рамки на ПХВ програмата
Изработени 173 мали проекти
Од 28 до 30 април во Струга се одржа втората ПХВ подготвителна работилница. Целта на работилницата беше евалуирање на малите проекти кои беа изработувани од страна на младинците, а со поддршка на 40 дисеминатори, секретарите како и стручната служба на секоја ООЦК. Вкупно 26 инструктори од целата држава, поделени во тимови од двајца, ги прегледуваа проектите според однапред дадени критериуми и ги презентираа пленарно пред целиот тим. Оваа година се сработени 173 мали проекти од страна на 1.065 младинци кои ја поминаа обуката во месец февруари. Доделени се 25 сонциња-на проекти кои трајно направиле промени за одредена целна група и доделен е Пехар за општинската организација која има најмногу проекти со сонце. Оваа година пехарот ќе го делат три организации на Црвен крст Карпош, Куманово и Гостивар.
Во нареден период ќе се реализираат две финални работилници на кои 110 младинци заедно со дел од дисеминаторите ќе имаат можност да ги презентираат малите проекти, да работат на полето на промоција на културата како и подготовки за ПХВ неделата.
