Поделени пакети за социјално загрозени корисници

Во рамките на проектот „Дневен центар за стари лица и центар за давање помош во домашни услови“ при Црвен крст на град Скопје, во дневниот центар во општина Сарај по повод празникот Рамазан Бајрам се доделуваат пакети за социјално загрозено население. Во период од 20ти јуни до 1ви јули ќе бидат поделени триесет пакети со храна од Црвен крст на град Скопје. Во хуманитарната акција со прехрамбени продукти учествуваа и маркетот Дати и компанијата Тиамо.

Хуманитарната акција се реализира од отварањето на дневниот центар во Сарај, во континуитет секоја година, со цел да се помогне на корисниците и разубават празничните денови.