Поддршка за справување со КОВИД 19
Во знак на поддршка на напорите за надминување на последиците од коронавирусот, нашите пријатели и соработници- Шпаркасе Банка Македонија, Охридска Банка и матичната банка Штаермеркише Шпаркасе од Грац, Австрија, се вклучуваат во заеднички донаторски активности.
Групацијата Штаермеркише Шпаркасе, претставена во нашата држава преку двете локални банки, Охридска банка и Шпаркасе Банка Македонија, својата солидарност ја искажува преку наменска донација и помош на 1.500 социјално загрозени семејства во услови кога им е потребна поддршка за полесно надминување на последиците од ковид-19 кризата.
Во магацинските простории на Црвен крст на град Скопје, започна испораката на хуманитарни пакети со храна и средства за хигиена неменети за 1.500 социјално ранливи семејства. Истите, по претходна проценка ќе дистрибуираат на територија на град Скопје , Крива Паланка, Кичево, Гостивар, Дебар, Струга, Велес, Кочани, Пробиштип, Свети Николе.
