Поддршка од ученици

Во период од три дена, околу 50 ученици од Меѓународно училиште NOVA активно учествуваа во волонтерски активности на Црвениот крст, каде што помагаа во селекција и сортирање на донирана облека.

Со својата посветеност и тимска работа, тие помогнаа во сортирање и организирање на донациите, со цел да се обезбедат основните потреби за луѓето на кои им е најпотребно. Нивниот ентузијазам придонесе кон олеснување на процесот за распределба на облеката.

Оваа акција не само што покажа хуманост, туку и ги поттикна младите да бидат активни чинители во подобрувањето на животите на другите, воедно покажувајќи ја важноста на солидарноста и заедничката грижа за заедницата.

Заедно можеме повеќе!