Пребарувај по датум:
2019-08-25

Почеток на обука за негуватели на стари и немоќни лица во рамките на проектот: Зголемување на вработливоста на жени-ромки во град Скопје

На 21.08.2019 во просториите на Црвениот крст на Република Македонија беше реализирана првата средба со избраните учесници на новата обука за негуватели на стари и немоќни лица. Обуката се одвива во рамките на проектот- Зголемување на вработливоста на жени Ромки во град Скопје поддржан од страна на граѓанското здружение ХЕРА – Асоцијација за здравствена едукација и истражување преку Програмата за регрантирање во рамките на ЕУ проектот-Отвораме можности. Обуката ќе трае четири месеци, а десет лица ќе имаат можност да се стекнат со сертификат за негувател/ка на стари и немоќни лица. На средбата беа дадени насоки за идните активности, детали за програмата, како и корисни информации за текот на обуката. На истата присуствуваа 12 лица, меѓу кои претставник од здружението ХЕРА, стручната служба на Црвениот крст на град Скопје како и дел од избраните учесници за обуката која следи.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.