Пребарувај по датум:
2018-05-17

ПХВ финална работилница-2018 година

ПХВ финална работилница-2018 година

Изминатиот викенд, 11 до 13 мај, во Тренинг центарот Солферино- Струга се одржа ПХВ финална работилница. 54 младинци, 8 дисеминатории 8 инструктори работеа на претставување на малите проекти сработени во текот на овогодинешниот ПХВ циклус. Младите имаа можност меѓусебно да се запознаат, да работат на темата култура како систем од вредности како и промоција на активностите на Црвениот крст. На оваа работилница, младите исто така добија насоки за спроведување на активностите во рамките на ПХВ неделата. На работилницата присуствуваа и двајца гости, еден волонтер од Дневен центар за лица со оштетен вид и еден претставник од организацијата “Ајде Македонијо” и истите имаа можности да го видат начинот на мобилизирање, регрутирање и мотивација на волонтерите.

Младите за време на работилницата подготвија ТВ шоу во склоп на кое се организираше трибина преку која се презентираа проектите, се подготви невербална драма која имаше за цел да ги претстави обуките и активностите на терен-изработување на малите проекти и се сними филм за финалната работилница. Преку вежбата “Племиња” младите поделени во групи, имаа можност да создаваат сопствена култура и истата да ја презентираат, додека пак преку вежбата “Човече не лути се” се натпреваруваа во своите знаења за Црвениот крст. Со многу позитивна енергија и во многу пријатна атмосфера се реализираа целите на самата работилница. ПХВ програмата претставува алатка за регрутирање и задржување на волонтерите во редовите на клубовите на млади во секој град.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.