Пакети за деца од улица

20 деца од улица и нивни семејства примија пакети со храна која беше собрана во соработка со Американската амбасада.

Се подготви пригоден настан во кој Амбасадорот на САД во Р.Македонија г. Пол Волерс лично им ги врачи пакетите на најмалите, а тиа ги испеаа песничките кои ги учат од наставничките од дневниот центар за Деца на улица Шуто Оризари.

Храната беше собрана на 10 септември по повод одбележување на трагичниот настан од 2001 година во Америка. На овој датум традиционално Црвен крст на град Скопје организира крводарителска и собирна прехрамбена акција во просториите и со поддршка на амбасадата.
Цела низа на собирни акции продолжија во рамките на кампањата Ден на гладта која во Скопје се реализира во период од еден месец во соработка со Општинските Организации на Црвен крст на територија на градот Скопје.
Во месец декември се врши дистрибуција на храната за различни целни групи вклучувајќи ги старите и изнемоштените лица особено од рурални средини, деца на улица, деца со посебни потреби, самохрани мајки….