Пакети со храна и Новогодишни пакетчиња за убави празнични денови

Просториите на Црвениот крст на град Скопје во текот на последните две неделни од оваа година беа место за поврзување на сите оние кои сакаат да дадат подароци и да споделат радост со сите оние кои бараат помош и поддршка. Во деновите за радост беа поделени 56 новогодишни пакетчиња од страна на Масит – Стопанска комора за информатички и комуникациски технологии за дечињата сместени во ЈУ „Ранка Милановиќ“ и 114 новогодишни пакетчиња од страна на ИТД Македонија за дечињата од семејтвата во ризик, корисници на услуги на Црвениот крст. Неколку семејства добија пакети со храна од питомците, студенти во втора година на Воената академија, а за 90 семејства во ризик Црвениот крст подели и семејни пакети со храна со кои тие ќе можат да поминат убави моменти за време на Новогодишните празници.