Пребарувај по датум:
2021-03-09

Отворање на Центарот за прва помош во Скопје

Отворање на Центарот за прва помош во Скопје

Денес (09 март), свечено се отвори новиот Центар за прва помош на Црвен крст. Тој претставува концентрирана форма за едукации и обуки на територија на град Скопје, кои претходно се вршеа во рамки на Црвен крст Центар, Црвен крст Кисела Вода, Црвен крст Карпош, Црвен крст Чаир и Црвен крст Гази Баба.

Отворањето беше во присуство на министерот за внатрешни работи г.Оливер Спасовски, генералниот секретар на ЦКРСМ г.Саит Саити, претседателот на ЦКРСМ г. Ромел Велев и секретарот на Црвен крст на град Скопје г-ѓа Сузана Тунева Пауновска.

Центарот располага со 5 предавални и капацитет 60 лица во ист момент да следат обука, односно 120 лица на дневна основа кои би посетувале некоја од погоре наведените обуки. Во услови на КОВИД 19 обуките се реализираат со почитување на пропишаните мерки за заштита.

За реализација на обуките на располагање се 27 доктори–предавачи, кои се задолжени за стручно предавање и едуцирање и 18 демонстратори–парамедици, кои се задолжени за практичниот дел.

Во рамки на Центарот се реализираат обуки за Прва помош за возачи, Прва помош за правни лица – работни организации, Прва помош за лица кои управуваат со пловни објекти и Прва помош за физички лица.

Работно време на Центарот е од понеделник до петок од 08:00 до 20:00 часот.

Обуките се рализираат во 2 термина во текот на денот и тоа 09:00-12:30 и 16:30 – 20:00 часот.

Пријавувањето можете да го извршите во просториите на Центарот на ул. 11 Октомври 40-мезанин, на тел: 072/208-456 и 072/208-529, и на маил skopje.prvapomos@redcross.org.mk.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.