Оскар на хуманоста
Во склоп на одбележување на 8 Мај- Светски ден на Црвен крст и Црвена полумесечина, организирана беше манифестацијата ОСКАР НА ХУМАНОСТА, како иницијатива на Црвен крст на град Скопје- оддел млади. Во прекрасното опкружување на ресторант Парк- weddings and events, доделени беа признанија за наши партнери, поддржувачи од корпоративниот сектор, но и на поединци кои со својата лична ангажираност многупати покажеле дека тие се оние кои прават позитивни промени во заедницата, преку нивната хуманитарна заложба. Преку оваа манифестација, пренесовме позитивна порака за мисијата на Црвениот крст, волонтеризмот и личните позитивни примери кои доаѓаат од различни личности и општествено одговорни субјекти со влијание во заедницата. Настанот беше збогатен со музички дел.
На настанот кој се реализираше на 9 мај, оскари на хуманоста беа доделени на:
Пекабеско АД Скопје-за континуирана поддршка на социјално ранливи лица и поддршка на работењето на Пунктот за бездомници на Црвен крст
ДАУТИ КОМЕРЦ– за поддршка на функционирањето на Дневниот центар за стари лица и центарот за грижа кон стари и немоќни лица во домашни услови на територија на општина Сарај и грижа за ранливите категории граѓани во нашата заедница
АЛКАЛОИД АД СКОПЈЕ– општествено одговорна компанија која го поддржува работењето на Дневниот центар за дарување крв на Црвен крст, како и континуирана поддршка на активностите на Црвен крст
СКОПЈЕ МЕРИОТ ХОТЕЛ– поддршка на хуманитарните активности на Црвениот крст и корисниците со кои работиме
КФЦ– помош на различни целни групи кои имаат потреба од поддршка
Државна лотарија на Македонија – поддршка на ранливи категории население и ублажување на нивните потреби
Raguza group– поддржувачи и помагатели во реализација на активностите и програмите на Црвен крст
Град Скопје – стратешко партнерство, поддршка на активностите за ублажување на потребите и барањата на населението во нашиот град
Зоолошка градина, Скопје – соработник и поддржувач на Црвениот крст
Специјалната болница Др. Жан Митрев –поддршка во реализација на здравствено превентивните активности на Црвениот крст
Училишен клуб за едукација и превенција на Црвен крст, СУГС Цветан Димов– позитивен пример за младинска и волонтерска ангажираност
Синиша Зукиќ, Јана Спирковска и Маријана Станојковска – поддршка во реализација на јавни настани
Благодарници за соработниците и поддржувачите: Ана Петановска, Васил Ангелов, Александар Спасенцовски, Сања Здјелар, Стефан Неделковски, Марјан Наковски, Ангела Спировска, Андреј Димоски, DJ BABURA JUNIOR и Uzunov sound.
