Онаму каде сѐ започна…

Од 10 до 13 ноември, двајца претставници на Црвен крст на град Скопје престојуваа во градот Бреша во Северна Италија. Првата цел на посетата беше учество на Фестивалот на мирот кој секоја година се организира од страна на градот Бреша во соработка со Црвениот крст. Нашите  преставници имаа презентации за работата на нашата организација со акцент на работата со лицата кои транзитираат низ нашата земја. Втората цел на посетата беше иницирање на твининг соработка која во нареден период ќе донесе размена на искуства за волонтерите и стручната служба, а со тоа и унапредување на работата на двете организации, но и зголемено ниво на мотивација.

Жителите и вработените во Црвен крст на Бреша се покажаа како одлични домаќини кои на колегите со гордот им ја презентираа идејата за Црвениот крст која токму со Анри Динан се роди во малите градови покрај Бреша- Солферино и Кастиљоне. Нашата делегација ги посети сите значајни места и локации за Црвениот крст во овој регион.

Благодарност за поддршката од страна на Црвен крст Италија за оваа посета и поддршка во идна потенцијална соработка.