Одбележување на светскиот ден на лица со попреченост

Црвен крст на град Скопје во соработка со дневниот центар за лица со церебрална парализа го одбележа 3 декември – Светскиот ден на лица со попреченост. Бројни пријатели , поддржувачи беа присутни во ресторан Umbrella и со многу музика и добра забава за која се погрижија учениците од средното музичко училиште Илија Николовски – Луј придонесоа корисниците на дневниот центар и нивните родители да имаат незаборавни мигови. Исто така со голема торта се прослави и 13от роденднен на центарот. Оваа активност е една од многуте активности кои младите на Црвен крст на град Скопје ги имплементираат преку годишна програма во рамките на проектот за поддршка и социјализација на лица со посебни потреби поддржан од Комерцијална банка.