Пребарувај по датум:
2017-11-25

Одбележување на Недела на грижа за стари лица

Одбележување на Недела на грижа за стари лица

По повод одбележување на Недела на грижа за стари лица, во организација на стручната служба на Центарот за поддшка на лица со оштетен вид при Црвен крст на град Скопје на 23.12.2017 се реализираше посета на Геронтолошкиот Завод „13 Ноември“. Во посетата беа вклучени ученици од училиштето за деца со оштетен вид ДУРДМОВ „Димитар Влахов“ заедно со корисниците на дневните центри за стари лица, волонтерите и стручната служба при Црвен крст на град Скопје.

Целта на посетата на штитениците на Геронтолошкиот завод беше да им се приреди една исполнета и корисна дневна рутина, исполнета со презентација, поезија и музика. На настанот се одржа презентација за функционирањето на проектот на „УСАИД и ЛЦИФ за деца со пречки во видот“ и социјалниот сервис „Дневен центар за стари лица и центар за давање помош во домашни услови“. Потоа, ученичката од училиштето „Димитар Влахов“ Јована Трајчевска рецитираше песни од нејзината стихозбирка „Тајните на моето срце“ и ученичката Валентина Донева испеа неколку песни. Воедно, двете кориснички на центарот за стари лица и волонтерите ги поделија сликите и колачите направени за штитениците на Заводот.

Со оваа активност се поттикнува волонтирањето кај слепите, слабовидните и старите лица, активното стареење и меѓугенерациска соработка на старите со младите волонтери. Воедно се мотивираат корисниците на двата центри да прават активности за помош на други ранливи групи во нашата заедница, односно да бидат активни чинители во општеството.

Центарот за поддршка на лица со оштетен вид се реализира во рамките на проектот на „УСАИД и ЛЦИФ за деца со пречки во видот“.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.