Пребарувај по датум:
2017-03-13

Одбележување на 8-ми Март

Одбележување на 8-ми Март

Црвен крст на град Скопје традиционално се придружува кон хуманата иницијатива на организацијата “Животна искра” во пресрет на денот на жената 8-ми март. Годинава подароци беа обезбедени од хуманитарниот концерт -Љубовни ноти- кој го организираше Клуб на млади на Црвен крст на град Скопје во соработка со Советот на млади при Американската амбасада и средното музичко училиште Илија Николовски–Луј.

Волонтерите и членовите на Совет на млади во придружба на членките на “Животна искра”, Американскиот амбасадор г.Бејли и неговата сопруга на 8 ми март ја посетија клиниката за Онкологија и ги однесоа подароците за сите пациентки, а членките на здружението им даваа совети за полесно надминување на состојбата во која се наоѓаат. 
И оваа година кон активноста се приклучија Рамстор Мол од каде беа обезбедени цвеќињата за пациентките, Матица Македонска кои донираа книги, Медикус Хелт и Лајанс клуб св. Пантелејмон. 
Со овој гест сакаме да покажеме поддршка кон лицата кои се борат против ова заболување, но и да ја подигнеме јавната свест.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.