Пребарувај по датум:
2016-11-23

Одбележан Светскиот ден на Првата помош

Црвениот крст на град Скопје и општинските организации на Црвен крст на територија на град Скопје, традиционално и оваа година го одбележија Светскиот ден на Првата помош во соработка и со поддршка на СВР Скопје.

 

Одбележувањето на истиот, беше на 10 Септември (сабота) со изведување на показна вежба за правилно укажување на прва помош на неколку локации во нашиот град и тоа пред ТЦ Бисер, на локација пред порта Македонија и спроти ТЦ Мавровка (Бит пазар).

На споменатите локации беа симулирани повреди, а возачите на моторни возила кои беа сопрени од страна на овластено лице на СВР Скопје требаше правилно да ги санираат. За сите кои правилно укажаа Прва помош поделени беа  награди (сет за Прва помош), а оние кои немаа доволно знаење, беа едуцирани од волонтерите на Црвениот крст кои се обучени за правилно укажување ПП.

Преку оваа активност, Црвениот крст уште еднаш ја нагласува потребата од навремено и правилно укажување Прва помош како вештина која спасува живот, вештина која треба да биде совладана од сите, без разлика на возраста.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.