Пребарувај по датум:
2010-09-14

ОДБЕЛЕЖАН СВЕТСКИОТ ДЕН НА ПРВАТА ПОМОШ

„Прва помош за сите“ е овогодинешното мото под кое во саботата на 11 Септември, Црвениот крст на град Скопје го одбележа 11 Септември – Светскиот ден на првата помош.

Централната манифестација започна точно напладне во Градскиот Трговски Центар, каде пантомима група составена од млади волонтери на Црвениот крст со музичка кореографија го привлекуваа вниманието на граѓаните, а останатите волонтери организирани на две бази го задржуваа нивното внимание.

Тие давајќи им задача да состават слагалица со слика на повреда ги поттикнуваа на размислување за тоа како треба да укажат помош на конкретната повреда, а потоа преку демонстрација им покажуваа како тоа правилно се прави.

Крајна цел на активноста беше да се подигне јавната свест за тоа дека е важно сите да поседуваме знаења од првата помош со цел да спасиме нечиј живот.

 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.