Пребарувај по датум:
2019-02-12

Обука за правилно постапување со лица со оштетен вид наменета за волонтери

Обука за правилно постапување со лица со оштетен вид наменета за волонтери

Во рамките на Центарот за поддршка на лица со оштетен вид – Црвен крст на град Скопје, на 08 Февруари 2019 година, се реализираше обука за правилно постапување со лица со оштетен вид наменета за идни волонтери кои ќе бидат вклучени во редовните активности на Центарот за поддршка. Обуката се состоееше од презентација на работата на Центарот, неговото функционирање и редовните активности во Центарот, совети за правилно постапување со лицата со оштетен вид преку практична презентација, прикажување на едукативното видео за правилно постапување со лица со оштетен вид како и демонстрација преку вежби на реални ситуации со кои лицата со оштетен вид секојдневно се соочуваат. Волонтерите се стекнаа со потребните знаења, совети и насоки за правилно постапување на лицата со оштетен вид, преку една интеракција помеѓу учесниците и тимот на Центарот за поддршка. На оваа обука активно учество зедоа 2 волонтери и 4 претставници од тимот на Центарот за поддршка.

Центарот за поддршка на лица со оштетен вид се имплементира во рамките на „Проектот на УСАИД и ЛЦИФ за деца со пречки во видот“.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.