Пребарувај по датум:
2019-01-10

Обука за постапување со лица со оштетен вид наменета за планинарско здружение Натура МК

Во рамките на Центарот за поддршка на лица со оштетен вид – Црвен крст на град Скопје, на 19 Декември 2018 година, се одржа обука за правилно постапување со лица со оштетен вид, наменета за претставници и членови на планинарското здружение – Натура МК. Обуката се реализираше со цел, дисеминација и обучување на водичите од здружението за идна планирана заедничка активност, односно планинарење на одредена локација во кое ќе бидат вклучени сите заинтересирани корисници на Центарот за поддршка. Во самата обука, активно учество зема еден корисник на Центарот за поддршка, кој преку своето лично искуство, на учесниците им го доближи своето секојдневие како лице со оштетен вид и им го пренесе своето лично искуство од неговото секојдневие.

Центарот за поддршка на лица со оштетен вид се имплементира во рамките на „Проектот на УСАИД и ЛЦИФ за деца со пречки во видот“.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.